Блиндираниот автомобил, што го заштитувал Ал Капоне од неговите непријатели, се продава на аукција за 325.000 долари.
Cadillac V-8 Town Sedan од 1928 година, автомобилот на познатиот гангстер, е оклопен со 1.350 килограми челик, пребоен со зелена боја со црни калници, за да изгледа како тогашните полициски возила.
Сите стакла се отпорни на куршуми, а задното стакло може во потполност да се отстрани, за да можат луѓето на Ал Капоне да пукаат во оние кои ги бркале.
Џон О`Квин, последниот сопственик на автомобилот, загинал лани во сообраќајка. А автомобилот ќе биде понуден на продажба како дел од неговиот имот на аукција, што ќе се одржи во Калифорнија, на 20 август.
Автомобилот, откако Капоне бил затворен за неплаќање данок, едно време го користел претседателот Френклин Рузвелт.
Аукционерите го нашле и Ричард Капстран (92), чиј татко бил задолжен за преправка на автомобилот.
Според него, луѓето на Капоне дошле кај него и му кажале што сакаат да направи. „Татко ми им рече дека во нашата работилница, не правиме тоа, а тие рекоа дека од сега, и тоа правиме", рекол Капстран.
Капоне сам дошол да плати, кога автомобилот бил готов.
Како што вели Џон, познатиот гангстер тогаш му дал десет долари, што за тоа време за едно момче претставувало цело богатство./крај/ап/бб
http://www.makfax.com.mk/#6%2F287209%2F ... _al_kapone" onclick="window.open(this.href);return false;
