Кога пристигнав пред музејот сфатив дека и Марфи дошол со мене. Понеделнички музејот не е отворен.
Реков ај бидна што бидна, барем ќе одам до паркингот на Ле Бурже можеби ќе начекам нешто интересно да сликам зошто пред мене гледав многу А340ки како слетуваат и полетуваат, веројатно некои карго летови.
Веднаш влегов до оградата која го дели паркингот од авиони и буквално се изнасликав. Пред мене слетаа три Фалкони со ВИП луѓе кои се истоварија во мерцедеси паркирани до авионите и околу наоколу имаше еден куп бизџетови како Пијаџо, Лирџети...
Овој Боинг 747 е изгледа дел од музејот и е потполно фукнционален од внатре за посетители.
Инаку Ле Бурже денес најчесто се користи за ВИП летови, бизнис џетови, по некој карго лет, механички поправки, голем дел од владината и армиска авијација слетува и полетува и секако на секои 2 години се користи за Парискиот аеромитинг. Чудна работа никој не ми пријде и не ми покажа заби што заинтересирано ги сликав авионите на големите корпорациски магнати, дури дел од вработените кои поминуваа пред мене ме отпоздравуваа со добар ден.
