1988 година Боб Хувер го промовира Shrike Commander на аеромитинг во Сан Диего. Оние кои не се запознаени со Боб Хувер, нека го погледнат ова видео.
Таман што полетал, имал отказ на двата мотори. Ги избегнал гледачите и се срушил кратко по полетувањето. За среќа ниту тој а ниту двата патници не биле повредени.
Истрагата покажала дека детето што ги полнело резервоарите на авионот, по грешка го измешал Shrike Commander-от со еден сличен турбопроп, па така наместо 100 лоу лид, ставил Jet-A1 гориво. Додека таксирал и излегол на писта, моторите ги трошиле резервите на авгас, и таман кога полетал, моторите повлекле од керозинот и се оштетиле.
Она што е зачудувачко е дека Боб Хувер го нашол малиот кој го наполнал авионот, и во наредните два дена сакал единствено само тој да го полни неговиот авион.
Кога го запрашале зошто направил така, одговорил дека момчето е најверојатно единствениот кој нема да ја повтори истата грешка. 
Од овој инцидент ставени се во употреба Hoover Nozzle и Hoover Ring, именувани во чест на Хувер. Hoover Nozzle се поставува на пумпа со Jet-A1 гориво, а Hoover Ring се поставува кај авиони кои користат авгас. Кога истата ситуација би се повторила, двете направи нема да дозволат дотур на керозин во клипен авион.