По двогодишната борба со ракот, претседателот на Венецуела, Хуго Чавез почина на возраст од 58 години, а веста за неговата смрт ја соопштил потпретседателот на државата, Николас Мадуро.
Социјалистичкиот лидер бил на чело на државата цели 14 години, а во јавноста тој не се појавил во последните три месеци, откако подлегнал на операција изведена во Куба, која што воедно била и четвртата операција откако му била дијагностицирана болеста, кон средината на 2011 година.
Хуго Чавез застанал на чело на Венецуела во 1999 година. Во текот на своето владеење, тој вовел радикални промени во земјата, вклучувајќи го и новиот Устав, како и многу социјални програми и нова надворешна политика.
Во 2002-та година против Чавез беше покренат државен удар, кога Конфедерацијата на работниците на Венецуела прогласила дводневен генерален штрајк. По согледувањето на ситуацијата, Чавез ја понудил својата оставка, притоа условувајќи да продолжи да се почитува новиот Устав, но набрзо, Чавез повторно се вратил на чело на државата. На претседателските избори во 2006 година, Чавез бил реизбран за претседател на Венецуела.
http://tocka.com.mk/1/88977/pocina-hugo-cavez
المجد للسرب ٩٦ اعتراضية
