По 14 часа директен лет од смрзнувачкиот Париз
пристигнуваме во една многу топла и интересна земја каде не пречекува следниот знак
После неколкуте прашања на граничната полиција дали Македонија е нова земја и каде се наоѓа, не верувајќи ми замина да се консултира со некој повеќе што знае географија. После 40тина минути проверки дали Македонија е во Грција, Египет или Азија, добив печат за влез. Веднаш што ми падна на памет чекај да видам што има од авиони. На мое изненадување аеродромот во Сантиаго има тераса и неколку места определени за спотинг (и фраери, веројатно?)
Домаќин на многу тешки авиони кои доаѓаат од Австралија, Нов Зеланд и САД, Сантиаго е доста интересен аеродром за сликање.
А еве како стигнуваат и заминуваат парите од овде
Ама некој мора и да одмори зошто температурата е +42 целзиусови
Во терминалот има доста невообичаени глетки
Дури и девојки кои стојат на располагање за печатење на онлајн бординг карти и други информации околу аеродромот
Пластифицирање на багажот?
И барем за мене доста интересни имиња на компании
А уште поинтересни дизајни на лого?
Најголемата и веројатно најдобра авиокомпанија во Чиле е ЛАН Ерлајнс (што стои за Латин Америка Нетворк). Лан првично постоела само во Чиле како Linea Aerea Nacional de Chile, но со одличното работење и добриот менаџмент се проширува и во Аргентина, Перу, Колумбија, Еквадор каде отвара свои компании како Лан Перу, Лан Перу итн за да ги обедени и направи огромен пазар во Јужна Америка. Оперираат со нови авиони и барем во Чиле имаат летови према сите аеродроми на секој час и половина, слично како автобуски линии.
Поради должината на Чиле авиопревозот е страшно развиен и користен за секаква намена и транспорт. Никаде на друго место немам видено на лента за багаж да поминуваат велосипеди и бетономешалки. Работници во комбинизони чекираат сандаци со алати. 
Како голема компанија разбира дека треба да се штеди и за сите свои летови авионите ги носи до писта со пушбек за да заштеди гориво.
Друга комапнија која има доста летови во Чиле е Скај Ерлајн.
Иако името е слично со нашата Скај Вингс, навиките не се исклучок.
За неколку минути подоцна да ја променат дестинацијата
Оперираат со многу стари Боинг 737-200 кои се претерано бучни, затоа го немаме во Европа и останатиот нормален свет.
И претерано бавни да се стигнат во трчање
За време на летот со оваа компанија вратата од пилотската кабина беше постојано отворена. Ама затоа имаат свои бонбони
Инаку во Чиле на сите летови што бев еден од пилотите секогаш стои при влезот и ги поздравува патниците, што не е случај повеќе во Европа.
Кога барав карти онлајн на сајтовите од овие две компании, секогаш, ама секогаш имаше разлика во цената кога пребарував на шпански и на англиски. Англиската верзија им беше 2 пати поскапа. Јас си ги купив преку шпанската и ми испаднаа по 50 евра од лет кој просечно траеше 2 часа. Инаку ако се има желба да се купува во последен миг, ако се распрашате на шалтерите за last minute карти на аеродромот за слободни места цената на картите се движи од 15 до 30 евра.
Чиле е доста богата земја но централизираниот систем (и многу јака војска) направиле земјата да има огромни разлики од еден до друг крај. Сиромаштија и беда на север, огромни богатства во средниот дел и близината на Сантиаго. Аеродромот во Темуко е одличен пример, доволно е да се види таблата со наредните летови
И така после пливање во гејзери, јадење лама, преживување на земјотрес со сила од 7.5 по Рихтер (кој траеше 1 минута и 15 секунди, буквално) се враќам во Европа со доста угодниот Боинг 777
и додека сеуште се нервирам поради силното сонце и температурата од +40 целзиусови времето во Париз е еднакво на самоубиство
Интерсесно е за колку брзо време се измислуваат нови правила и прописи
Немам слики од внатрешноста, еве една што најдов на Ерлајнерс
