Отпуштена стјуардеса поради блог на интернет

[avijacijamk]

Критикување на работодавачот - само на сопствен ризик

Дневниот весникот “Кристијан Сајенс Монитор“ пишува за ризикот поврзан со водење на блог - интерактивен дневник на интернет, каков што водат околу осум милиони Американци, покажува едно истражување.

Некои од нив, кои на својот блог го критикуваат својот работодавец, откриваат дека тоа може да биде прилично опасна забава. Имено, нивниот идентитет честопати бргу се открива, а критичноста се “наградува“ со отказ.

Според една новинарка од Јужна Каролина, која била отпуштена поради блогот, најдобро е да пишувате за куќните љубимци или кујнски рецепти. Таа вели дека ако пишувате критички за својот шеф и колегите од работа, многу лесно може да ви се случи да го загубите работното место.

Слободниот новинар од Сан Франциско, Курт Хопкинс, собра документација за 20-тина „блогери“ од Америка кои загубиле работа. Една бивша стјуардеса била отпуштена поради тоа што на Интернет објавила свои полуголи фотографии - во униформата на својот работодавец.

Една Интернет фирма ја отпушти својата вработена затоа што на својот блог пишувала за техничките проблеми на компанијата.

Дневен весник што излегува во Сент Луис отпушти еден од своите вработени новинари кој на својот блог критички го анализирал пишувањето на блогот и правните последици поврзани со оваа се уште “неистражена територија“.

Некои сојузни држави ја штитат приватноста на своите граѓани, така што отказ од работа не може да се добие ниту лице кое, на пример, пуши марихуана или се игра комар, додека другите немаат такви закони.

Главно, “следете ги своите сништа, но немојте да се зачудите ако ја загубите работата поради критички интониран блог“ - предупредува еден правен експерт./Макфакс/

[ACELERA]

како викаат... не ја гризај раката што те храни

[FROGFOOT]

Ova e pravno-tehnicki problem, se kosat slobodata na govor i pravoto na izrazuvanje so otkrivanje delovni tajni i eventualniot potpisan raboten dogovor pomegu stujardesata i kompanijata vo koj sigurno ima i klauzuli za vakvi slucai.