На 16 и 17 јуни, се одржа првото издание на Air Extreme во организација на Prima Aviation и Red Bull. Човекот позади овој спектакл е Алберто Морети, поранешен командант на Frecce Tricolori.
Првиот ден морам да се пофалам дека цедев масло од долниот цилиндар кај овој Yak-52 пред да полета. Пристигнаа околу 30тина авиони, меѓу кои ги имаше овие тимови: три легендарни Yak 52 на Yak Italia, 4 Pioneer 300 од тимот Pioneer Team, 4 C205 на NewAvio и 2 Fournier-Sportavia RF-5, од солистите имаше еден Злин 50 и дефинитивно најинтересниот дел од оваа претстава за мене беше Jurgis Kairys, со овој Сукхој 31М, легендата на акробатското летање, кој има освоено многу светски купови и предизвика најголемо внимание. Одличен човек, многу интересен соговорник, утре ќе го сликам капчето кое ми го потпиша. Од неколкуте интересни маневри, за мене беше спектакуларен последниот, на 4-5 метри од земја, на растојание од 15 метри од публика, наеднаш се крена под 90 степени, се подигна околу 7-8 метри бидејќи почна да тоне, моторите пред да се крене ги имаше на минимум, ги пушти моторите и после 7-8 метри повторно продолжи хоризонтално! Изгледаше како Кобра! Навистина беше интересно, погледнете го ова видео околу 10тата минута го прави слично, меѓутоа не продолжува хоризонтално. Пред тоа „лизгаше„ пред публика скоро настрана при ептен мала брзина, вообичани „звона„, кругови, лупови и што друго не.
Исто така имаше еден тим од луди момци кои правеа скокови од рампа со крос мотори, кругови на смрта и слично, беа доста интересни.
Интересен факт е сите овие тимови и пилоти се бивши членови на Frecce Tricolori, самиот организатор е бивши командант на единицата и до ден денешен се големи пријатели. Интересна атмосфера, 2 дена поминати во нивно друштво тешко се забораваат. Сфаќаш колку е убаво небото.
