Нова книга за авиони

[Andonovic Vladimir]

Излезе од печат најновата книга на авторот д-р Владимир Андоновиќ со наслов „Еволуција на виталните системи на авионите“ - или воздухопловни легенди 2. Книгата на 160 страници текст и многубројни фотографии содржи: Пролог со кратка историја на летањето, 7 глави основен текст, библиографија и белешка за авторот.
Книгата ги обработува некои од крупните епохи кои биле пресвртници во еволуцијата на авионот и довеле до нови поквалитетни конструктивни решенија и скокови во перформансите како:
- примена на слободноносечкото крило,
- примена на системите за хиперпотисок,
- примена на метален пропелер и промена на чекорот на краците на пропелерот во лет,
- вовлекување/извлекување на стојните органи во лет
- примена на турбомлазни реактивни мотори,
- совладување на звучната бариера,
- епилог, или што понатаму?
За разлика од книгата „Воздухопловни легенди“ (од истиот автор), во која беа опишани историските херојски летови, тежиштето на оваа книга е врз конструкторите. На овој начин се затвора кругот на воздухопловните легенди составен од конструкторите, научниците и летачите.
Книгата се препорачува на широк круг читатели кои ги интересира воздухопловството, од средношколци и студенти, до професионалци во пензија.
Книгата е посветена на генерацијата матуранти 1955-1959 година на скопската гимназија „Јосип Броз Тито“ и последната глава на книгата содржи податоци за оваа генерација.

[IgorMKD]

Честитки професоре и голема благодарност за трудот и работата на вака дефицитарни теми во нашето општество.

Каде би можеле да ја најдеме и купиме книгата?

[Andonovic Vladimir]

Книгата може да се купи во книжарницата „Матица“ на бул. Св. Климент Охридски.

[IgorMKD]

Благодарама професоре, ќе ја купам веќе од утре

[zlatko83]

interesno
ce mi treba recnik da gi razberam nekoi od strucnive izrazi )
ali sepak ce mora da vleze u biblioteka )

[Andonovic Vladimir]

При пишување на книгата „Еволуција на виталните системи на авионите“ настојував што помалку да користам стручни изрази кои не се среќаваат во секојдневниот говор. Сепак некои морале да се појават. Доколку не Ви е тешко можете да ги соберете и испратите преку Форумот, а јас ќе Ви ги дадам потребните објаснувања. Книгата е пишувана со популарен јазик и скромна „тежина“ па сепак понекаде морало да се отстапи од овој принцип. Ви благодарам на јавувањето, се надевам дека книгата ќе Ви се допадне. Д-р Владимир Андоновиќ.

[Zoran MAF]

При пишување на книгата „Еволуција на виталните системи на авионите“ настојував што помалку да користам стручни изрази кои не се среќаваат во секојдневниот говор. Сепак некои морале да се појават. Доколку не Ви е тешко можете да ги соберете и испратите преку Форумот, а јас ќе Ви ги дадам потребните објаснувања. Книгата е пишувана со популарен јазик и скромна „тежина“ па сепак понекаде морало да се отстапи од овој принцип. Ви благодарам на јавувањето, се надевам дека книгата ќе Ви се допадне. Д-р Владимир Андоновиќ.

Поздрав Професоре ( ми предавате на ТМФ- Машински елементи )
Мило мие што неуморно творите.
Поздрав само напред.
Искрено
Зоран .Т

[Andonovic Vladimir]

Почитуван колега Зоран Т.,
големо задоволство за еден стар професор е неговите студенти да се сеќаваат на него па и да му се јавуваат. Ве поздравувам и Ви посакувам добро здравје и успеси во професијата.
Со почит, проф. д-р Владимир Андоновиќ.

[Zoran MAF]

Почитуван колега Зоран Т.,
големо задоволство за еден стар професор е неговите студенти да се сеќаваат на него па и да му се јавуваат. Ве поздравувам и Ви посакувам добро здравје и успеси во професијата.
Со почит, проф. д-р Владимир Андоновиќ.

Задоволството е взаемно. Не престаНУВААТ КОНТАКТИТЕ СО НАПУШТањето на образовниот систем.
Поздрав од ТЛМ Разине
проект печка за топшење алумијум
легура 5оо5

Искрено Зоран.Т